بسم الله الرحمن الرحيم
أعزائى أعضاء ومحبى أشغال الفل وتشغيله فى الاعمال الفنية
جهاز لتقطيع الفل ورسمه والتحكم بسمك الواح الفل
مكونات الجهاز
1- سلك نيكل كروم
2- ترنس كهربى متغير 6 / 9 / 12 فولت
3- زرار جرس وسلك كهربى
4- وصلتين من الحديد مسقوبة بسقوب متساوية
5- ترابيزه من الخشب
اولا :- للتحكم بسمك الواح الفل تثبيت الوصلتين بوسط الترابيزه من الاجناب بحيث تكون الثقوب الزيادة باعلى الترابيزه ثم نشد سلك النيكل كروم مثلا علو واحد سنتيمتر فى اول ثقب بالوصله
ثانيا :- لرسم الفل نعمل قطعة خشب على شكل حرف l بالمقلوب ونثبتها بجانب الترابيزه ونثبت وصلة فى الحرف من اعلى والوصلة الثانية على الترابيزه بحيث يكونوا فى خط واحد ونشد سلك النيكل ونخلى الجزء الاعلى سهل التحرر لادخاله بالفل
ثالثا :- الوصله الكهربية نجد ان الترنس به سلكة مشترك والاخريات كل واحدة تخرج فولت معين
للسمك نستخدم ال12 فولت والرسم حسب طول سلك النيكل لوقصير نستخدم ال6فولت ولو اطول نستخدم ال9 فولت وزرار الجرس لتشغيله اثناء العمل فقط للتحكم بحرارة السلك ونظافة الرسم.......... نفذوا هذه الفكرة ولن تندموا عليها لسهولة العمل بها وخصوصا فى عمل المجسمات اسأل مجرب واسف على الاطاله ولكم كل الشكر للمتابعة ( ماجد سعيد )