السلام عليكم ورحمة الله وبركاته

النهاردة هأقدملكم شكل معلقة بسيطة ورقيقة جداااااااااا وخاماتها غير مكلفة بالمرة

خطوات العمل
1- هات أى بواقى خشب عندك فاضلين من السنة اللى فاتت ...مالقيتش مش مهم.... هات أى كارتون مقوى ( ممكن كارتون نتيجة ) مالقيتش... روح اتصرف وهات من الورشة اللى تحت بيتكم أو اللى على ناصية شارعكم ...مالقيتش ...مافيش قدامك غير المجال الصناعى روح اترازل عليهم شوية وهات من عندهم حتتين خشب مش عايزينهم

2- بعد ماتتصرف وتجيب الخشب ...هات وحدة التصميم ( النجمة الاسلامية ) وكبرها على ماكنة التصوير بحيث يكون حجمها وسط وليست كبيرة

3- اطبع رسمة النجمة على قطعة الخشب أو الكرتون المقوى ثم قص حول النجمة بالمنشار الأركت

4- قم بقص 4وحدات من النجمة ثم قم بطلائهم بالورنيش الشفاف ...واذا كان كارتون قم بتلوينه أولا بالالوان المائية ثم اطليه بالورنيش ( بعد أن يجف تماما من الألوان)

5- قم بخرم الوحدات الأربعة فى 8 أماكن ( كما بالصورة ) وراعى أن يكون خرم الوحدات متناسق فوق بعضها البعض

6- أحضر خيوط الحبال ( خيوط المكرمية الرفيعة ) وقص 8 أطوال متساوية بحيث تكون طويلة بالقدر الكافى ( كما بالصورة ) وأدخل الحبال ..حبل حبل ..فى ال8 فتحات لكل نجمة ويسير كل حبل فى اتجاه فتحات النجمات الأربعة تحت بعضها

7- بعد ان تنتهى من ادخال الحبال كلها داخل النجوم الأربعة أعقد عقدة واحدة من كل حبل فى نهاية آخر نجمة حتى تثبت الحبال فيها

8- لعمل الفواصل بين النجوم الاربعة احضر ثلاث أسطوانات بكرات فارغات من بكر الزينة ثم قم - اما بتلوينهم بألوان مائية ثم دهنم بالورنيش .... أو قم بتلوينهم بخليط من الورنيش مع البرونز الدهبى الناعم وسوف يعطى نتيجة رائعة ثم اتركهم ليجفوا

9- بعد جفاف الاسطواات الثلاثة قم بلصق كل اسطوانة بين نجمتين بمسدس الشمع بحيث يكون تثبيتها أفقيا تحت بعضهم البعض ( يراعى الصبر فى هذه المرحلة لأنها تتطلب الدقة والتركيز فى العمل حتى لا تنعوج المعلقة وتضطر لفك الأسطوانات وتركيبها مرة أخرى بشكل صحيح )

10- بعد الانتهاء من تثبيت المعلقة بطريقة صحيحة قم برط الحبال جميعا من أعلى المعلقة وربطها من الأسفل فى شكل عقدة فى المنتصف وبعد ذلك قم بوضع بعض ورود الزينة المهملة بالبيت أو أى فروع زرع صناعية لتجميلها