السلام عليكم جميعا
بصراحة انا بحاجة لمساعدتكم وان شاء الله ما تخيبولي املي

انا حاليا اعمل في مركز ثقافي للتدريس الجامعي و إعطاء الدورات المختلفة ..
وبصراحة ترتيب المركز وخاصة مكتبي ترتيب روتيني بيبعث الاكتئاب والملل وما في اي حس فني

اول ما اجيت على المركز حاولت اغير شوي فيه وفعلا يعني غيرت بترتيب الطالولات وبمكان جهاز الكمبيوتر وهيك شغلات

بس انا هلأ حابه اغير في شي بس مو عارفة شو اعمل محتارةكتير
بدي تغير يكون مبين يعني اللي يجي ينتبه انو في شي مغير
بدي افكار فنية حلوة لاكسسوارات لمكتبي حابه اعملها بايدي لحتى تعبر عني بس مو عارفة كيف

وما اللي غيركو لتساعدوني اعطوني افكار حتى اعملها لهاد الغرض
بس ملاحظة : الامكانات المادية للمركز مو كتير يعني اعطوني افكار شوي بسيطة يعني لا تقولولي اشتري اثاث جديد لأنو صعب جدا كتير

الله يسلمكو من كل شر

بانتظار ردودكو